आता मला कळले कि प्रकाश काय असतो ,
नारायण काळोखावर मात का करतो ......
आता मला कळले कि नावाडी काय असतो ,
क्षितिजापल्याड जाण्याचा हट्ट का करतो ......
आता मला कळले कि मौन काय असते,
मनावरील चरे कुणाच्या ध्यानात का आणायचे नसते .....
आता मला कळले कि विचारांची दंगल का माजते ,
गोंधळलेल्या मनाने हृदयाला का विचारायचे नसते ....
आता मला कळले कि डोळ्यात पाणी का साचते ,
सर्व बांध तोडून नदी का वाहते......
आता मला कळले कि वाळवी जमिनीतच का राहते ,
मनातली घुसमट मनातच का साचते .........
आता मला कळले कि स्त्री काय असते ,
त्यागाच्या नावावर अशी का वागते ........
आता मला कळले कि नाते काय असते ,
प्रीती च्या नावावर रिते का असते .........
आता मला कळले कि "पहिले प्रेम " काय असते ,
मनात ठेवायचे असते पण ओठांवर का आणायचे नसते ........
राजेश रेलकर (२५/०४/२०११)
No comments:
Post a Comment