>> निरोप घेताना तुझा..

निरोप घेताना तुझा ,कंठ दाटून आला ,

अश्रूंचा बांध फुटून हृदय चिंब करून गेला...

तुझ्या डोळ्यात पाहताना अपराधी करून गेला,

पुन्हा कधीही न भेटण्याची सजा देऊन गेला...

कधीतरी झालेल्या चुकांची क्षमायाचना करणार,

घट्ट मिठीत तुला गुदमरून माफीनामा मिळवणार....

तुझी वाट पाहत दिवसावर दिवस गेला ,

भाबड्या आशेवर आयुष्याची संध्याकाळ करून गेला...

मरणाच्या दारात उभा आहे , पण सरणावर नाही जाणार,

मनात दाटलेल्या ढगांच्या पावसात एकदातरी तुला चिंब करणार.........
राजेश रेलकर